ສະຫຼຸບຜົນສຳເລັດການເຂົ້າຮ່ວມແຂ່ງຂັນຍິງປືນກອງທັບບົກ
ອາຊຽນ ຄັ້ງທີ 30 ທີ່ ສສ ຫວຽດນາມ
ວັນທີ 10 ມີນາ 2023 ນີ້, ຢູ່ກອງພັນຍິງປືນ 199 ໄດ້ມີພິທີສະຫຼຸບຜົນສຳເລັດການເຂົ້າຮ່ວມແຂ່ງຂັນຍິງປືນກອງທັບບົກອາຊຽນ ຄັ້ງທີ 30 ທີ່ ສສ
ຫວຽດນາມ ເປັນເຈົ້າພາບໃນທ້າຍປີ 2022 ຜ່ານມາ, ໂດຍການເຂົ້າຮ່ວມຂອງ ສະຫາຍ ພົນຕີ ພັນແສງ ບຸນພັນ ຮອງຫົວ ໜ້າກົມໃຫຍ່ເສນາທິການກອງ
ທັບ ມີຄະນະກົມໃຫຍ່, ຫອ້ງການທີ່ປຶກສາທູດປ້ອງກັນຊາດຫວຽດນາມ ປະຈຳ ສປປ ລາວ, ຄະນະກົມ, ຫ້ອງການ, ບັນດາກົມກອງ, ຄະນະພັກ-ຄະນະບັນ
ຊາກອງພັນຍິງປືນ 199 ແລະ ນັກກີລາເຂົ້າຮ່ວມ.
ໃນພິທີ ຄະນະນຳນັກກິລາຍິງປືນກອງທັບປະຊາຊົນລາວ ທີ່ນຳພາເຂົ້າຮ່ວມແຂ່ງຂັນຍິງປືນກອງ ທັບບົກອາຊຽນຄັ້ງທີ 30 ທີ່ ສສ ຫວຽດນາມ ໄດ້ສະຫຼຸບ
ຜົນສຳເລັດໃນການເຂົ້າຮ່ວມວ່າ:ໂດຍອີງຕາມຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະຍິງປືນກອງທັບປະຊາ ຊົນລາວ
ໄປຫັດແອບ ແລະ ເຂົ້າຮ່ວມແຂ່ງຂັນຍິງປືນດ້ານຍຸດທະວິທີກອງທັບບົກອາຊຽນ ຄັ້ງທີ 30 ທີ່ ສສ ຫວຽດນາມ ແລະ ເພື່ອປະຕິບັດຕາມຂໍ້ກຳນົດການແຂ່ງ
ຂັນທີ່ເຈົ້າພາບໄດ້ວາງອອກ ກອງທັບປະຊາຊົນລາວໄດ້ຈັດສົ່ງຄະນະນັກຍິງປືນເຂົ້າຮ່ວມ ຈຳນວນ 42 ສະຫາຍ, ໃນນັ້ນ ມີເຈົ້າໜ້າທີ່ 17 ສະຫາຍ, ນັກກິ
ລາຍິງປືນ 25 ສະຫາຍ, ມີ 5 ປະເພດອາວຸດເຂົ້າແຂ່ງຂັນຄື: ປືນສັ້ນຍິງ, ປືນສັ້ນຊາຍ, ປືນເຫຼັກສັ້ນ, ປືນເຫຼັກຍາວ ແລະ ປືນຈັກ. ຜ່ານການເຂົ້າຮ່ວມແຂ່ງ
ຂັນສະຫຼຸບໄດ້ດັ່ງນີ້: ສາມາດຍາດໄດ້ຫຼຽນຄຳ 12 ຫຼຽນ, ຫຼຽນເງິນ 12 ຫຼຽນ ແລະ ຫຼຽນທອງ 8 ຫຼຽນ ຢູ່ໃນອັນດັບທີ 5 ຂອງຕາຕະລາງ ເຊິ່ງມີ 10 ປະ
ເທດເຂົ້າຮ່ວມ, ອັບທີ 1 ໄດ້ແກ່ ຫວຽດນາມເຈົ້າພາບ 17 ຫຼຽນຄຳ, ຜົນສຳເລັດດັ່ງກ່າວໄດ້ ສ້າງຜົນງານດີເດັ່ນມາສູ່ກອງທັບປະຊາຊົນລາວ ຍ້ອນຄະນະ
ຮັບຜິດຊອບໄດ້ເປັນເຈົ້າການນຳພາ-ຊີ້ນຳຄູເຝິກ, ນັກກິລາ ໃນການຫັດແອບກ່ອນການແຂ່ງຂັນ, ວາງແຜນຊັບຊ້ອນນັກກິລາຄືນໃໝ່ໃຫ້ໄປຕາມກະຕິກາ
ການແຂ່ງຂັນທີ່ເຈົ້າພາບວາງອອກ, ແຕ່ລະວັນມີການສະຫຼຸບຖອດຖອນບົດຮຽນ ເພື່ອຊອກຫາສາເຫດເພື່ອມີການປັບປຸງໃຫ້ ນັກກິລາແຕ່ລະສະຫາຍມີສະຕິ
ການຍິງໃຫ້ດີຂຶ້ນຕາມຄາດໝາຍທີ່ວາງໄວ້. ຕະຫຼອດໄລຍະການຫັດແອບ ແລະ ເຂົ້າຮ່ວມການແຂ່ງຂັນສາມາດຮັກສາໄດ້ຄວາມສາມັກຄີກັບບັນດາກຸ່ມປະ
ເທດອາຊຽນເວົ້າລວມ, ເວົ້າສະເພາະກັບປະເທດເຈົ້າພາບ, ການຈັດຕັ້ງຫັດແອບໄດ້ມີແຜນການ, ມີການນຳພາ-ຊີ້ນຳນັບແຕ່ຂັ້ນກົມໃຫຍ່ເສນາທິການກອງ ທັບ ລົງຮອດກົມກອງແບ່ງປັນມອບໜ້າທີ່ໃຫ້ ແຕ່ລະພາກສ່ວນລົງເລິກຊີ້ນຳ, ຄະນະພັກ-ຄະນະບັນຊາກົມກອງ, ຄູເຝິກໄດ້ເອົາໃຈໃສ່ຄຸ້ມຄອງ, ຄວບຄຸມ
ການຫັດແອບ, ຄຸ້ມຄອງດ້ານລະບຽບໃນການເຂົ້ານອນສູນ, ນັກກິລາຍິງປືນແຕ່ ລະສະຫາຍໄດ້ຕັ້ງໜ້າເອົາໃຈໃສ່ໃນການຫັດແອບ ບໍ່ວ່າຢູ່ລາວກໍຄືຢູ່ຫວຽດ
ນາມ ສະນັ້ນໃນເວລາແຂ່ງຂັນຈຶ່ງສາມາດຍາດໄດ້ຜົນງານລື່ນຄາດໝາຍທີ່ວາງໄວ້. ການແຂ່ງຂັນຍິງປືນກອງທັບບົກອາຊຽນໄດ້ຈັດຂຶ້ນເປັນຄັ້ງທຳອິດໃນປີ 1991 ທີ່ເມືອງມາລາກາປະເທດມາເລເຊຍ ໂດຍແມ່ນຜູ້ບັນຊາການທະຫານບົກມາເລເຊຍເປັນຜູ້ມີແນວຄິດລິເລີ່ມ, ນອກຈາກການແຂ່ງຂັນຍິງປືນແລ້ວ
ຍັງມີກອງປະຊຸມຫຼາຍຝ່າຍຜູ້ບັນຊາການທະຫານບົກ, ກອງປະຊຸມນາຍສິບອາຊຽນ, ຈຸດປະສົງການແຂ່ງຂັນແມ່ນ ເພື່ອຮັດແໜ້ນຄວາມສາມັກຄີ, ຄວາມ
ເຂົ້າໃຈລະຫວ່າງນາຍທະຫານຂັ້ນສູງຫາພົນທະຫານ ນອກຈາກນັ້ນຍັງໄດ້ແລກປ່ຽນບົດຮຽນໃນການອົບຮົມຫັດແອບ, ການປະຕິບັດແບບແຜນຂອງກອງ
ທັບ, ການແລກປ່ຽນວັດທະນາທຳຂອງແຕ່ລະປະເທດ. ສະເພາະກອງທັບປະຊາຊົນລາວ ເຂົ້າຮ່ວມແຂ່ງຂັນເປັນຄັ້ງທຳອິດໃນປີ 1999 ທີ່ປະເທດ ບຣູໃນ
ນັບແຕ່ປີນັ້ນເປັນຕົ້ນມາ ກອງທັບເຮົາໄດ້ເຂົ້າຮ່ວມເປັນປະຈຳທຸກໆປີ. ໃນພິທີຍັງໄດ້ມອບໃບຍ້ອງຍໍຂັ້ນກະຊວງປ້ອງກັນປະເທດ ແລະ ຂັ້ນກົມໃຫຍ່ການ
ເມືອງກອງທັບໃຫ້ຄະນະນຳ, ຄະນະຄູເຝິກ, ນັກກິລາທີ່ຍາດໄດ້ຫຼຽນລາງວັນ ແລະ ມອບໃບຈາລຶກບຸນຄຸນໃຫ້ບໍລິສັດ ລາຊາໂຊກ ຈຳກັດຜູ້ດຽວຜູ້ອຸປະຖຳ
ຫຼັກໃນການເຂົ້າຮ່ວມງານດັ່ງກ່າວອີກດ້ວຍ.
ໂອກາດດັ່ງກ່າວ, ສະຫາຍ ພົນຕີ ພັນແສງ ບຸນພັນ ໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຊີ້ນຳ, ຄູເຝິກລວມໄປເຖິງນັກກີລາຍິງປືນ ທຸກສະຫາຍທີ່ມີ
ຄວາມຮັບຜິດຊອບສູງໃນວຽກງານນຳພາ-ຊີ້ນຳ ເຂົ້າຮ່ວມການແຂ່ງຂັນໃນຄັ້ງນີ້ສາມາດຍາດໄດ້ຜົນສຳເລັດລື່ນຄາດໝາຍ, ພະນັກງານ-ນັກຮົບ-ນັກກິລາ
ທຸກສະຫາຍ ໄດ້ສຸມທຸກເຫື່ອແຮງເຝິກຝົນຕົນເອງເຂົ້າໃນການເຝິກຊ້ອມ ຈົນສາມາດຍາດໄດ້ຜົນງານທີ່ດີເດັ່ນມາສູ່ກອງທັບປະຊາຊົນລາວຂອງພວກເຮົາ,
ພ້ອມນັ້ນ ກໍຈົ່ງສືບຕໍ່ຮັກສາຜົນງານ ແລະເອົາປະສົບການໃນການເຂົ້າຮ່ວມແຂ່ງຂັນກິລາດັ່ງກ່າວມານຳໃຊ້ຖ່າຍທອດເຂົ້າໃນວຽກງານຕົວຈິງຂອງກົມກອງ.
ແຫຼ່ງທີ່ມາ: ໜັງສືພິມກອງທັບ
ວັນທີ 14/03/2023